ბიზნესის მომსახურების ცენტრისა და მერსი კორპს ჯორჯიას შორის გაფორმებული თანამშრომლობის ფარგლებში,
BSCenter-მა პროექტ – RDYE-ის მიერ ორგანიზებულ ტრენინგებს უმასპინძლა. 
18 აგვისტოს ტრენინგი საბაზისო სამეწარმეო ცოდნისა და უნარების შესახებ გარდაბნის მუნიციპალიტეტში მცხოვრები ახალგაზრდებისთვის დაიგეგმა და განხორციელდა.
შეგახსენებთ, რომ პროექტი “ახალგაზრდული მეწარმეობა სოფლის განვითარებისთვის” (RDYE) ავსტრიის განვითარების თანამშრომლობის (ADC) დაფინანსებით მიმდინარეობს.
შეგახსენებთ, რომ RDYE პროექტი მიზნად ისახავს ახალგაზრდების (18-დან 35 წლამდე) სამეწარმეო უნარ-ჩვევებისა და ცოდნის გაღრმავებას, სასოფლო-სამეურნეო და არასასოფლო-სამეურნეო მიმართულების ბიზნესების მხარდაჭერას, ფინანსებზე ხელმისაწვდომობისა და საბაზრო კავშირების დამყარების ხელშეწყობას.
პროექტის აქტივობები ფოკუსირებული იქნება ახალგაზრდების სოციალურ და ეკონომიკურ მონაწილეობზე, მათი კეთილდღეობის გაუმჯობესებასა და სამეწარმეო პოტენციალის ხელშეწყობაზე. მიღებული ცოდნა, უნარ-ჩვევები მათ დასაქმებაში/თვითდასაქმებაში დაეხმარება.
პროექტი განხორციელდება 42 თვის განმავლობაში (2021 წლის დეკემბერი – 2025 წლის მაისი) საქართველოს ოთხი რეგიონის მასშტაბით, რაც მოიცავს 18 მუნიციპალიტეტს.
მათთან, ვინც საბაზისო სამეწარმეო ტრენინგზე დარეგისტრირდა, დაკავშირება ეტაპობრივად მოხდება და შესაბამისად დაიგეგმება მომდევნო ტრენინგებიც.
0 Comments