„მეწარმეთა შესახებ“ საქართველოს ახალი კანონის თანახმად, 2022 წლის 1 იანვრამდე რეგისტრირებული სამეწარმეო სუბიექტები, არასამეწარმეო (არაკომერციულ) იურიდიულ პირები და მათი ფილიალები ვალდებული არიან სარეგისტრაციო მონაცემები შესაბამისობაში მოიყვანონ ახალი კანონის მოთხოვნებთან.
სუბიექტები ვალდებული არიან 2024 წლის 1 იანვრამდე უზრუნველყონ სარეგისტრაციო მონაცემების კანონის მოთხოვნებთან შესაბამისობა. ამ ვადის გასვლის შემდეგ სუბიექტს დამატებით მიეცემა 3 თვიანი ვადა. თუ სუბიექტი ამ ვადაში სარეგისტრაციო მონაცემებს არ მოიყვანს შესაბამისობაში კანონის ახალ მოთხოვნებთან მისი რეგისტრაცია გაუქმებულად ჩაითვლება.
რას გულისხმობს პშს-ს სარეგისტრაციო მონაცემების ახალი კანონის მოთხოვნებთან შესაბამისობაში მოყვანა?
2022 წლის 1 იანვრიდან ძალაში შევიდა „მეწარმეთა შესახებ“ საქართველოს ახალი კანონი და თანმდევი საკანონმდებლო ცვლილებები, მათ შორის ცვლილებები საქართველოს სამოქალაქო კოდექსში. მოწესრიგდა სუბიექტების მოწყობის, დაფუძნებისა და გადაწყვეტილებების მიღების საკითხები. აღნიშნული გულისხმობს სადამფუძნებლო დოკუმენტების შინაარსობრივ მხარესა და სარეგისტრაციო მონაცემებში ცვლილებებს. შესაბამისად, სუბიექტებს ევალებათ სადამფუძნებლო დოკუმენტებისა და სარეგისტრაციო მონაცემების ახალი კანონმდებლობის მოთხოვნებთან შესაბამისობაში მოყვანა.
რა ვადაში უნდა მოიყვანონ სუბიექტებმა სარეგისტრაციო მონაცემები კანონის მოთხოვნებთან?
2022 წლის 1 იანვრამდე რეგისტრირებული სუბიექტები ვალდებული არიან, 2024 წლის 1 იანვრამდე უზრუნველყონ სარეგისტრაციო მონაცემების კანონის მოთხოვნებთან შესაბამისობა. ამ ვადის გასვლის შემდეგ სუბიექტებს, საჯარო რეესტრის ეროვნული სააგენტოს მხრიდან მოცემულთან დაკავშირებით ინფორმირების გზით, დამატებით მიეცემა 3 თვიანი ვადა სარეგისტრაციო მონაცემების კანონის მოთხოვნებთან შესაბამისობის უზრუნველსაყოფად. თუ სუბიექტი ამ ვადაშიც სარეგისტრაციო მონაცემებს არ მოიყვანს კანონთან შესაბამისობაში, მისი რეგისტრაცია გაუქმებულად ჩაითვლება.
რატომ არის აუცილებელი სარეგისტრაციო მონაცემების შესაბამისობაში მოყვანა ახალ კანონთან?
„მეწარმეთა შესახებ“ ახალი კანონი ითვალისწინებდა 2-წლიან გარდამავალ პერიოდს, რომლის განმავლობაში ყველა რეგისტრირებული სამეწარმეო საზოგადოება ვალდებული იყო, უზრუნველეყო თავისი სადამფუძნებლო დოკუმენტაციის ახალ კანონთან შესაბამისობაში მოყვანა. წინააღმდეგ შემთხვევაში მეწარმე სუბიექტის რეგისტრაცია გაუქმებულად ჩაითვლება.
რა სახის ვალდებულებებს ითვალისწინებს „მეწარმეთა შესახებ“ ახალი კანონი 2-წლიანი ვადის გასვლამდე?
რიგ ვალდებულებებთან ერთად აღსანიშნავია, რომ 2022 წლის 1 იანვრიდან შპს, სს და კომანდიტური საზოგადოების ყველა საქმიან წერილსა (როგორც მატერიალურ, ასევე ელექტრონულზე) და ვებ-გვერდზე სულ მცირე შემდეგი ინფორმაციის მითითების ვალდებულება: საზოგადოების საფირმო სახელწოდება, იურიდიული მისამართი და საიდენტიფიკაციო ნომერი. ასევე სავალდებულოა მეწარმის ავტორიზებული მომხმარებლის გვერდის აქტივაცია, რომელზე განთავსებული შეტყობინება მეწარმისთვის ჩაბარებულად მიიჩნევა შეტყობინების განთავსებიდან მე-15 დღეს.
თუ გსურთ დახმარება ან/და დეტალური ინფორმაცია ამ და სხვა სამართლებრივ და საგადასახადო საკითებზე მოგვმართეთ კვალიფიციური და დროული კონსულტაციისთვის.
0 Comments